لاہور: Punjab Energy Department نے پیٹرولیم مصنوعات کی قیمتوں میں اضافے کے بعد توانائی کی بچت کے لیے متعدد اہم تجاویز حکومت کو پیش کر دی ہیں۔

ذرائع کے مطابق محکمہ توانائی نے سرکاری دفاتر کے اجلاس آن لائن کرنے اور ورک فرام ہوم متعارف کرانے کی تجویز دی ہے تاکہ ایندھن اور بجلی کے استعمال میں کمی لائی جا سکے۔

اس کے علاوہ محکمہ توانائی نے جامعات اور کالجز میں آن لائن کلاسز جبکہ اسکولز اور اکیڈمیز میں ہائبرڈ تعلیمی نظام متعارف کرانے کی سفارش بھی کی ہے۔

ذرائع کا کہنا ہے کہ عوامی ٹرانسپورٹ کے استعمال کو فروغ دینے کے لیے Lahore Orange Line Metro Train اور Lahore Metrobus کے اوقات کار بڑھانے کی تجویز بھی زیر غور ہے۔

مزید برآں صوبے بھر میں رات 10 بجے کے بعد اسٹریٹ لائٹس کو متبادل موڈ پر چلانے، ہائی انٹینسٹی ایل ای ڈیز، بل بورڈز اور نیون سائنز بند کرنے اور عمارتوں کی سجاوٹی لائٹس بند کر کے توانائی کی بچت کی سفارش کی گئی ہے۔

دوسری جانب Khyber Pakhtunkhwa Government نے بھی توانائی کے استعمال میں کمی کے لیے غیر ضروری سرکاری دوروں اور تقریبات پر فوری پابندی عائد کر دی ہے۔

حکومت نے سرکاری دفاتر میں ایندھن کے استعمال کی مانیٹرنگ کا فیصلہ بھی کیا ہے جبکہ ہدایت دی گئی ہے کہ ایک ہی کام کے لیے متعدد سرکاری گاڑیوں کے استعمال سے گریز کیا جائے۔