Punjab میں میڈیکل اسٹورز پر جعلی اور غیرمعیاری ادویات کی فروخت کے انکشاف کے بعد Punjab Drug Control Board نے پانچ ادویات سے متعلق الرٹ جاری کر دیا ہے۔

رپورٹ کے مطابق لیبارٹری ٹیسٹنگ کے دوران ادویات کے مخصوص بیچز جعلی اور غیرمعیاری قرار دیے گئے۔ تحقیقات میں انکشاف ہوا کہ ہڈیوں اور کیلشیم کے لیے استعمال ہونے والے مخصوص ملٹی وٹامن سپلیمنٹس بھی جعلی نکلے، جو ایک فارماسوٹیکل کمپنی کے نام پر مارکیٹ میں فروخت ہو رہے تھے۔

ڈرگ کنٹرول بورڈ کے مطابق ایک معروف کھانسی کا سیرپ بھی غیرمعیاری اور ملاوٹ شدہ پایا گیا جبکہ درد کے علاج کے لیے استعمال ہونے والا ایک مخصوص انجیکشن بھی معیار پر پورا نہیں اترا۔ ٹیسٹنگ کے دوران انجیکشن میں ذرات کی موجودگی کا بھی انکشاف ہوا۔

رپورٹ میں بتایا گیا کہ درد کا انجیکشن Lahore جبکہ کھانسی کا سیرپ Karachi میں تیار کیا گیا تھا۔

اس کے علاوہ جانوروں کے علاج کے لیے استعمال ہونے والے دو انجیکشنز بھی غیرمعیاری قرار دیے گئے کیونکہ ان میں اصل اجزا کی مقدار مقررہ معیار کے مطابق نہیں پائی گئی۔ ان ادویات کو لاہور اور کراچی کی فارماسوٹیکل کمپنیوں نے تیار کیا تھا۔

دوسری جانب Punjab Health Department نے الرٹ جاری کرتے ہوئے متعلقہ ادویات کو تمام میڈیکل اسٹورز سے فوری واپس منگوانے کا حکم دے دیا ہے۔