پاکستان کرکٹ بورڈ نے Pakistan Super League (پی ایس ایل) سیزن 11 کے شیڈول کا باضابطہ اعلان کر دیا ہے۔

پی ایس ایل 11 کا انعقاد 26 مارچ سے 3 مئی تک ہوگا جس کے دوران مجموعی طور پر 44 میچز کھیلے جائیں گے۔

اس سیزن میں پہلی بار لیگ میں 8 ٹیمیں شرکت کریں گی۔ نئی شامل ہونے والی ٹیموں میں حیدرآباد کنگز مین اور راولپنڈی پنڈیز لیگ شامل ہیں جس کے بعد لیگ مزید مسابقتی ہونے کی توقع ہے۔

ٹورنامنٹ کے لیگ مرحلے میں ہر ٹیم 10 میچز کھیلے گی جبکہ پلے آف مرحلہ 28 اپریل سے شروع ہوگا۔

پی ایس ایل 11 کے میچز ملک کے 6 مختلف شہروں میں کھیلے جائیں گے۔ اس بار Faisalabad اور Peshawar پہلی مرتبہ لیگ میچز کی میزبانی کریں گے جبکہ افتتاحی میچ Gaddafi Stadium لاہور میں کھیلا جائے گا۔

شیڈول کے مطابق Rawalpindi Cricket Stadium میں ایک کوالیفائر سمیت 11 میچز کھیلے جائیں گے جبکہ Gaddafi Stadium لاہور میں مجموعی طور پر 15 میچز شیڈول ہیں۔

مزید برآں Faisalabad میں پہلی بار پی ایس ایل کے 7 میچز منعقد ہوں گے جبکہ Arbab Niaz Stadium پشاور (عمران خان کرکٹ اسٹیڈیم) بھی پہلی مرتبہ پی ایس ایل کی میزبانی کرے گا۔

اسی طرح Multan Cricket Stadium میں 4 میچز کھیلے جائیں گے جن میں Multan Sultans ایکشن میں نظر آئیں گے جبکہ National Bank Stadium کراچی میں 6 میچز شیڈول کیے گئے ہیں۔

پی ایس ایل 11 کے دوران شائقین کرکٹ کو 12 ڈبل ہیڈر میچز بھی دیکھنے کو ملیں گے۔