نیا کی مشہور پینٹنگز کو جدید دور کے فیشن اور خوبصورتی کے مطابق دوبارہ تخلیق کیا گیا ہے، اور نتائج واقعی حیران کن ہیں۔

مشہور فن پارے جیسے ’مونا لیزا‘، ’گرل وِد اے پرل اِیئررنگ‘ اور ’دی برتھ آف وینس‘ کو اے آئی کی مدد سے اس انداز میں پیش کیا گیا ہے کہ اگر آج کے زمانے میں انہیں بنایا جاتا تو وہ کس طرح دکھائی دیتیں۔

اس تخلیقی پروجیکٹ میں سینڈرو بوٹی چیلی کی 1480 کی مشہور پینٹنگ ’دی برتھ آف وینس‘ کو 1990 کے فیشن میں ڈھالا گیا، جس میں چمکدار باڈی گلیٹر، نیل آرٹ اور بالوں میں ننھے تتلی کلپس شامل کیے گئے، مکمل نوے کی دہائی کا اسٹائل سامنے آیا۔

دوسری جانب لیونارڈو ڈاؤنچی کی ’مونا لیزا‘ کو 2000 کے ابتدائی فیشن ٹرینڈز کے مطابق پیش کیا گیا، جس میں پتلی بھنویں، بالوں کی ہائی لائٹس اور فروسٹڈ آئی شیڈو اسے ایک بالکل نیا روپ دیتے ہیں۔

اسی طرح، ورمیر کی 1660 میں بنائی گئی ’گرل وِد اے پرل اِیئررنگ‘ کو جدید دور کے فیشن کے مطابق ڈھال کر بولڈ بھنویں، چمکدار جلد (dewy skin) اور نیوڈ لپ کلر کے ساتھ پیش کیا گیا۔

یہ تمام تخلیقات Vitabiotics Perfectil کی جانب سے تیار کی گئی ہیں، جس نے گزشتہ 30 برسوں میں ابھرتے اور ماند پڑ جانے والے میک اپ ٹرینڈز کا جائزہ لیتے ہوئے ان مصورانہ شاہکاروں کو آج کے حُسن کے معیار پر پرکھا۔

کمپنی کی رپورٹ کے مطابق پچھلی تین دہائیوں میں اسموکی آئی میک اپ، ’ریچل‘ ہیئر کٹ اور کول آئی لائنر سب سے نمایاں بیوٹی ٹرینڈز رہے ہیں۔

Vitabiotics Perfectil کے ترجمان نے کہا کہ ’’پچھلے کئی دہائیوں کے فیشن ٹرینڈز نے تاریخ رقم کی ہے۔ اسی لیے ہم نے دیکھا کہ یہ خوبصورتی کے آئیکونک انداز کلاسیکی مصوری میں کیسے نظر آئیں گے۔ اگر ورمیر، ڈاؤنچی یا دیگر عظیم مصور آج موجود ہوتے تو شاید وہ اپنے شاہکار کچھ اسی طرح بناتے۔‘‘

ترجمان نے مزید کہا کہ بہت سے فیشن ٹرینڈز وقتی ہوتے ہیں، مگر ممکن ہے کہ یہی انداز 30 برس بعد دوبارہ مقبول ہو جائیں۔