کراچی: چیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ بعض حکومتی وزرا دوسرے صوبوں سے مزید اختیار اور وسائل لینا چاہتے ہیں۔

کراچی میں ایک تقریب سے خطاب کرتے ہوئے بلاول بھٹو زرداری نے کہا کہ وفاق کی مشکلات بھی سندھ حکومت کی مشکلات ہیں، اور سندھ نے سیلز ٹیکس کلیکشن میں تمام صوبوں کو پیچھے چھوڑ دیا ہے۔

انہوں نے کہا کہ وفاق کے لیے مزید ٹیکس جمع کرنے کے لیے بھی تیار ہیں اور وفاقی حکومت کے ٹیکس اہداف پورے کرنے میں تعاون کریں گے۔

بعض وزرا صوبوں سے وسائل حاصل کرنا چاہتے ہیں، لیکن پیپلز پارٹی بہتر ٹیکس وصولی کے ذریعے وفاق کی مشکلات کم کرنا چاہتی ہے۔

بلاول بھٹو زرداری نے مزید کہا کہ پیپلز پارٹی نے منشور کے مطابق مفت اور معیاری علاج عوام تک پہنچانے کی کوشش کی ہے، اور سندھ کو صحت کے شعبے میں اپنی ذمہ داریاں خود سنبھالنے کا موقع ملا ہے۔