اسرائیلی صدر اسحاق ہرزوگ نے امریکی صدر ڈونلڈ ٹرمپ کی جانب سے اسرائیلی وزیراعظم بنیامین نیتن یاہو کو معاف کرنے کی درخواست مسترد کر دی ہے۔

عرب میڈیا کے مطابق نیتن یاہو گزشتہ پانچ سال سے بدعنوانی کے مقدمات کا سامنا کر رہے ہیں، جنہیں صدر ٹرمپ نے اپنے خط میں ’’سیاسی‘‘ اور ’’غیر منصفانہ‘‘ قرار دیا تھا۔ ٹرمپ نے مطالبہ کیا کہ صدر ہرزوگ نیتن یاہو کے خلاف الزامات کو معاف کر دیں۔

اسرائیلی صدر اسحاق ہرزوگ نے درخواست کو رد کرتے ہوئے کہا کہ وہ ڈونلڈ ٹرمپ کی دوستی اور رائے کا احترام کرتے ہیں، تاہم اسرائیل ایک خودمختار ریاست ہے اور اس کے قانونی نظام کا احترام سب سے پہلے ہونا چاہیے۔

انہوں نے مزید کہا کہ "یہ ایک غیر معمولی درخواست تھی۔ اسرائیلی عوام کی بھلائی میری پہلی، دوسری اور تیسری ترجیح ہے"۔

صدر ہرزوگ کا کہنا تھا کہ ملکی قوانین اور عدالتی عمل کو سیاسی مداخلت سے بالاتر رکھنا ضروری ہے۔