اسلام آباد: قومی اسمبلی کے حالیہ اجلاس کے دوران ایک دلچسپ واقعہ پیش آیا جب کسی رکن کے پیسے ایوان میں زمین پر گر گئے۔

اس موقع پر اسپیکر قومی اسمبلی ایاز صادق نے پیسے ایوان میں لہراتے ہوئے اعلان کیا کہ یہ پیسے کسی رکن کے ہیں جو اپوزیشن کے ایوان میں آنے سے پہلے گر گئے ہیں۔

پیسے لینے کے لیے متعدد اراکین نے ہاتھ اٹھا دیے، اور اسپیکر نے کہا کہ "یہ تو 12 اراکین نے ہاتھ اٹھا دیے ہیں"۔ اس پر ایوان میں قہقہے گونج اٹھے اور ماحول خوشگوار ہو گیا۔

یہ واقعہ قومی اسمبلی میں ایک غیر معمولی اور ہلکے پھلکے لمحے کے طور پر ریکارڈ کیا گیا، جس نے اجلاس کے دوران محفل کو مزید دلچسپ بنا دیا۔