خیبر پختونخوا کے اضلاع ٹانک اور لکی مروت میں سیکیورٹی فورسز نے انٹیلی جنس معلومات کی بنیاد پر دو الگ آپریشنز میں

فتنۃ الخوارج کے 9 دہشتگردوں کو ہلاک کردیا۔ آئی ایس پی آر کے مطابق یہ کارروائیاں 5 دسمبر کو حساس اداروں کی اطلاعات پر کی گئیں۔

ترجمان پاک فوج نے بتایا کہ ضلع ٹانک میں پہلے آپریشن کے دوران بھارتی سرپرستی میں کام کرنے والے خوارج کے سات دہشتگرد مارے گئے۔

کارروائی میں دہشتگردوں کے ٹھکانے کو مؤثر انداز میں نشانہ بنایا گیا، جہاں سے اسلحہ و بارودی مواد بھی برآمد ہوا۔

بیان کے مطابق دوسرا آپریشن ضلع لکی مروت میں کیا گیا، جہاں فائرنگ کے تبادلے میں مزید دو دہشتگرد ہلاک ہوئے۔ آئی ایس پی آر کا کہنا ہے

کہ مارے جانے والے عناصر قانون نافذ کرنے والے اداروں پر حملوں اور شہریوں کی ٹارگٹ کلنگ میں ملوث تھے۔

ترجمان نے بتایا کہ علاقے میں سرچ اور کلیئرنس آپریشن جاری ہے تاکہ بھارتی سرپرستی میں سرگرم مزید خوارج کو انجام تک پہنچایا جا سکے۔

وزیراعظم کا سیکیورٹی فورسز کو خراجِ تحسین

وزیراعظم شہباز شریف نے ٹانک اور لکی مروت میں کامیاب کارروائیوں پر سیکیورٹی فورسز کو سراہا ہے۔ ان کا کہنا تھا کہ ’’عزمِ استحکام‘‘ کے

ویژن کے تحت فورسز دہشت گردی کے خلاف بڑی کامیابیاں حاصل کر رہی ہیں۔

وزیراعظم نے کہا کہ پوری قوم دہشت گردی کے خلاف جنگ میں پاکستان کی مسلح افواج کے شانہ بشانہ کھڑی ہے اور ملک سے ہر قسم کی دہشت گردی کے مکمل خاتمے کے لیے پرعزم ہے