ملک بھر میں I'tikaf کا آغاز ہوگیا ہے اور رمضان المبارک کے تیسرے عشرے میں ہزاروں فرزندان اسلام مساجد میں اعتکاف میں بیٹھ گئے ہیں۔

رمضان المبارک کے دوسرے عشرے کے اختتام کے بعد آج بعد نماز عصر ملک بھر کی مساجد میں لاکھوں مسلمان عبادت کی نیت سے اعتکاف میں داخل ہوئے۔ Karachi سمیت مختلف شہروں کی مساجد میں بڑی تعداد میں معتکفین نے اعتکاف شروع کیا۔

اعتکاف عربی زبان کا لفظ ہے جس کے معنی ٹھہر جانے یا خود کو روک لینے کے ہیں۔ شریعت کی اصطلاح میں رمضان المبارک کے آخری عشرے میں عبادت کی غرض سے مسجد میں قیام کو اعتکاف کہا جاتا ہے۔

مساجد کی انتظامیہ کے مطابق کئی مقامات پر اعتکاف میں بیٹھنے والوں کے کوائف بھی جمع کیے گئے ہیں تاکہ بہتر انتظامات کیے جا سکیں۔

اعتکاف کے دوران معتکفین کے لیے بعض مساجد کی انتظامیہ اور مخیر حضرات کی جانب سے سحری اور افطاری کے خصوصی انتظامات کیے جاتے ہیں جبکہ عام طور پر معتکفین کی سحر و افطاری کا انتظام ان کے اہل خانہ کرتے ہیں۔

رمضان المبارک کے آخری عشرے کی طاق راتوں میں مسلمان شب بیداری کرتے ہوئے خصوصی عبادات، دعا اور مناجات کا اہتمام کرتے ہیں جبکہ معتکفین بھی مساجد میں رات بھر عبادت میں مصروف رہتے ہیں۔

محکمہ اوقاف کے زیر انتظام مساجد میں بھی معتکفین کے لیے خصوصی انتظامات کیے گئے ہیں۔ اعتکاف کرنے والے افراد Eid al-Fitr کا چاند نظر آنے تک مساجد میں قیام کریں گے۔